轉咗xanga ......

www.xanga.com/eko_624

第一次遇上『凸眼咸狼』

〔全屬事實，但受害者不是我?#12309;

日期：2006年10月21日
時間：晚上我放工後大約11:30pm
地點：金鐘站等待荃灣線地鐵
人物：
超級淫賤凸眼咸狼 -- 淫男：（特徵：短髮、個子不高、凸眼、咩住背囊、雙手交叉放在胸前，拎住深藍色風褸）
受害者一：  長髮女子 -- 索女（特徵：長曲髮貼身背心、短褲、長靴，打扮都幾sexy架）
受害者二：  短髮少女 -- 純女（特徵：短直髮、穿著白色外套，樣子都幾純情架）
目啤者    ：  正是本人（特徵：   唔駛介紹啦，哈....）

係人多擠逼既金鐘地鐵站，當我呆望著地鐵站內某一點既時候，原先我左手面企住一位索女，突然之間俾個淫男企左係我同個索女中間，初時我都無為意架，只係有時見到淫男全程雙眼望實索女，我仲以為佢地識添...   有D男人係斜視偷望下，但呢條仆街係成個頭暢前望，鬼唔知佢淫望緊條女咩，仲要望得咁鬼突出，超級賤格丫！！

行到入地鐵車廂內，我企係佢地前面，不過一定有D拒離，個淫男同個索女俾其他人分開左，但個淫男想盡辦法搵位企打算繼續狂望，個女既都聰明，搵個高大既肥佬遮住，個淫男搵位既同時，佢後面就企左個純女，我只有啤住佢，佢先停一停四圍望...

當架車到左尖沙咀，索女終於安全落車，擺脫左個淫狼凸眼既咸眼...  但最慘既係淫男仲唔識死竟然轉移目標去佢身後既純女，唉... 個純女係背住個淫男，而個淫男扮哂野D人逼，越行越貼個純女，個純女好彩知道，自已越行越開，但佢前面竟然俾個呀嬸阻住... 佢有無咁黑仔丫？！而我就再望實佢，佢先無再進一步行動咋...  嘩！我真係未見過D咁有咸濕需要既人囉，變Q態架！！

到左油麻地站既時候，原先個淫男已經放棄左個目標，但有無咁岩呢？！由於太多人，個純女唯一既落車路線竟然係一架BB車同淫男既中間...  點不知俾淫男知道純女要落車，但純女望都唔敢望住淫男，唯有提高一邊腳越過BB車，帶住就黎想喊既樣衝出去? 好彩純女無同淫男有任何身體接觸，而淫男亦都同我一樣係旺角落車！！

沿途我都望實佢，佢竟然一路笑，一路口郁郁丫...  直至上到去差唔多到出閘位，個淫男就連中途經過地鐵內電梯，企住一位著左晚妝既媽媽推住BB車等電梯都唔放過，望到個頭都唔肯望番住前面咁...   最後淫男向新之城出口上左去，而我就向郎豪坊出口離開地鐵站喇......

呢D粉腸咸都唔好係公眾地方咸丫嘛，真係鐘意咸出面咩？！

對呢件事真係難望，鬼叫第一次見到咩...=.="

日複日，日日如是....

                    追數追數，跑數跑數......

＊ 每一日都重複著同一個動作 ＊

起身 →→ 番工 →→ 放工 →→ "視乎有無節目" →→ 番外家 →→ 沖涼 →→ 食飯 →→ 訓覺

話咁快就過著廿五歲既生活....

到底想安安靜靜咁生活？

定係.......  悶？

無哂所有夜生活.......

是好？ 還是壞？

嘩~~  好Q耐無打過xanga喇.............

痴線的...
點解係公司日日都可以咁多野做呢？！

大傻又發瘋了，成日everytime都叉我！！
正常時就嘰嘰笑.........

幸好我今日放假，哈哈...
C銘同翠兒都黎左我公司做Part-time丫...

今日3:30pm出左旺角請恆仔食"壽司"...   無計啦，鬼叫欠佢一個人情咩...
去左食「羽‧壽司」，間野D生意真係好靜...
計埋我同恆仔都只係得........   四個人~~咋......
真係以為我地包左場丫，哈哈哈....

食飽之後去左TST，海港城行街...
去左玩"玩具反斗城"，再去左玩"冒險樂園"，哈哈...

最後大家都有野做，佢就約左佢所講既女朋友食飯，咪係前度女友~ Kaka
而我就要番屋企食飯喇...

食完飯就要番外家喇.... HeHe

放假既一天就這樣過了..............